سلام لك بالورد والعطر مقرون
سلام لك ياأغلى المخاليق والناس
عد النسيم وعد ماهلت مزون
واعدادماخط القلم فوق الاطراس
ياأمي حياتي نور قلبي والعيون
يابسمه ايامي بصبحي والاغلاس
انت ونيسي والهنا ..وانت العون
بحر الحنان اللي انا فيه غطاس
عمري لجودك والغلا دوم مديون
وافضالك اللي مالها حد وقياس
مهما كبرت وصار لي شان ميمون
انت لروحي روح وانت لي احساس
احتاج لك فرحان وان كنت محزون
في كل لحظه شوفتك فرح واوناس
الله يحفظك مالك الكاف والنون
اللي جعل طاعتك تاج على الرأس
رضاك لي جنه بها الدر مكنون
وانت دعاك بداجي الوقت نبراس
حالي ومالي والعمر لجلك يهون
يا أمي ويا أغلى المخاليق والناس
موضوع: اغلي الناس 
الأحد 22 يوليو - 16:20
